الموضوع بدأ بفكرة بسيطة ... فكرة عمل بلوج ظريف لطيف .. يجمع بين جماعة اخوات حكم عليهم الزمان انهم يبقو متفرقين ... سيبكوا من الفيلم الهندى ده .. المهم ... فكرنا ف بلوج وعصرت تفكيرى لحد ما توصلت لفكرة حبات ام اند امز .. ولوزه كتر الف خيرها ساعدتنى فى الصوت والتامبلت والذى منه .... وفى النهايه ان حد يعمل حاجه تفرح ف البلوج .. لا حياة لمن تنادى
والكارثة الكبرى ... الاقتراح الظريف الرهيب اللى اقترحته الست لوزه ... ننشر فضايحنا ... يادى الخيبة القويه ... انت ماكفاكيش فضايح عالم سمسم .. عاوزه فضايح تانى ؟؟؟ لا حلة ولا قفة الا بودنين
حاولو تفكرو كويس يا جماعه قبل ما تعملو المهزله دى ... هو احنا متخلفين اه ... بس معلش مش للدرجه دى
ممكن نخليها نقطة التقاء .. كل واحد فينا يحكى عن اخباره ... ونتشاركها مع بعض
وماتخافوش ... الفضايح هتيجى لوحدها مش محتاجين نعملها
اصلها ... ورانا ورانا .. ههههههههههههههه
قريبا هبدأ انا .. مع وعد منكم انكم تعملو انتو كمان
فتكم بعافيه
